Добредојдовте во
Клуб ВРЕЛО

Сала Пеони се наоѓа на 120м хоризонтално од влезот на пештерата. Ова е воздушен џеб во пештерата и преполн со карстни делови, сталагмити и сталактити. Визуелно наликува на сувата пештера Туристичка, но посебната убавина во салата е водниот дел, кој е кристално чист. За сите спелонуркачи овој воздушен џеб служи и како место за одмор, после долги експедиции во пештерата.

Трет бајпас се наоѓа на околу 200м хоризонтално од влезот на пештерата. Ова е тесен премин и се претоставува дека огромниот карстен дел во него е создаден од мешањето на струите, односно водата која доаѓа од самиот извор Врело и првите канали од подводната пештера во кои има делумно и вода од езерото. Кога изворот е слаб, нема мешање на овие води од два различни правци, а кога има силен извор тогаш има и силна струја во спортивен правец. Ова е најдлабокиот дел од пештерата пред Twilight zone.

Самата галерија е една од поубавите места во подводната пештера и плени со убавината на самокреираните рељефни убавини. Патот до неа е предизвик за секој спелеонуркач бидејќи има тесни и тешко поминливи делови, но лавиринтскиот впечаток дополнително додава на подводната убавина. Се наоѓа на 300м хоризонтално од влезот на пештерата.

Oваа е делот од пештерата од каде се смета дека почнува изворот, кој би можеле да го замислиме како вертикална цевка, односно цилиндар. Попатно има големи премини и галерии, но секако води накај најголемите длабочини на изворот. За секој спелонуркач претставува предизвик, бидејќи под себе гледаш бесконечно дно кое незнаеш до каде води, од таму и името на локацијата, Twilight zone. Се наоѓа на отприлика 400м хоризонтално од влезот на пештерата.  

Oваа локација е местото на 212 метри длабочина каде успеа да стигне Луиџи Касати во 2012 година на првата светска експедиција на пештерата Врело на Матка. Во текот на оваа експедиција Луиџи откри нов премин и огромна галерија на 165м длабочина, продолжувајќи понатаму додека стигна до 212м.

Оваа локација е местото од 242 метри длабочина каде успеа да стигне Старнавски во 2017 година на втората експедиција на пештерата Врело на Матка. Со оваа експедиција Старнавски, заедно со тимот на останати Полски и Македонски спелеонуркачи ја постави пештерата Врело во еден од најдлабоките извори на Балканот. Се смета дека овој извор има уште канали кои водат кон длабочина од дури 330м, но досега е тоа неиспитано и недокажано. Со тоа пештерата Врело би била една од најдлабоките подводни пештери во светот.